شاركي قصتك
تحديث قبل 3 سنوات، شهر 1 الأعضاء · 1
مشاركة 
السلام عليكم..
خلقت لأكون شخص مميز برغم من كل التفاصيل المزعجه والجو العائلي المحبط? لحد ما.. ولكن وجدت ملهمتي <أمي>? الشخص اللي كل مااتعب وأمل، أقف واكمل عشانه، في بداية القصة كنت فتاة بسيطه جدا?♀️ ويمكن أقل من العادي مفيش آي صفات تؤهلني لأكون شخص مميز أو حتى ناجح ومحقق حاجه في حياته?? ويمكن فترة طفولتي عدت بسلام ولكن كنت أفتقد كثيرا الثقه بالنفس وبعدين لما كبرت ووصلت لمرحلة المراهقه أخترت أني ادخل ثانوي عام ولكن بسبب ظروف أسريه دخلوني تمريض ?♀️وطبعا أنا داخليا كنت مدمره نفسيا وحزينه جدا ?وانطويت على نفسي ومكنتش حابه اكون اي صداقات في المكان ده ومع الوقت والتفكير العميق،، قررت،،?? اني اكون شخص مميز وأحقق ذاتي وبالرغم من انه واقع اتفرض عليا ولكن قررت أحول كل طاقتي السلبيه لتحفيز إيجابي ✍️واني مستسلمش واجتهدت جدا جدا وكونت صداقات كتير ?❤️??وبقيت متفوقه وبطلع دايما الأولى وبقا ليا أصدقاء كتير جدا وهنا حصلت نقطة التحول لقيت نفسي وفعلا ?<وعسى أن تكرهوا شيئا وهو خيرٌ لكم> بعد ماكنت داخله مش طايقه نفسي ولا حد قدرت بفضل ربنا ثم أمي وملهمتي الوحيده أني أحول واقعي أفضل مااتمني ?وبعد ثانوي التمريض دخلت المعهد وبعدين الكليه وكله ده الحمد لله بتفوق وازدهار وبعد مااتخرجت اتعينت ?♀️معيده في الجامعه لفتره حوالي ٥ شهور ولكن حسيت انه تعيين الجامعه بالرغم من انه وضع اجتماعي ممتاز الي انه بيفقدك متعتك بالحياه وأسرتك وامومتك ويخليك غرقان في دوامة الشغل ويمكن دي الضريبه ولكني خدت قرار،،??? اني مش هدفعها ومن هنا جت الصدمه?،،، أستقلت،، وسط دوشه وتسأولات كتير يابنتي فرصة عمرك هتعملي كده ازاي ولاني خلقت لآكون واعيش حياتي كشخص مميز معتبرتهاش فرصه اوي ومتمسكتش بيها وبعدين اشتغلت عضو هيئة تدريس في معهد وحبيت? المكان والناس والشغل بطريقتي مش بالطريقة المرسومه ليا والحمد لله محبوبه في مكاني من طلابي وزميلي وحابه اقولكم كمان ان جوزى ?❤️?حاليا اتعرفت عليه عن طريق صديقه ليا عرفتها لما دخلت التمريض وكأن الشئ اللي مكنتش حباه طلع من احلى حياه ??وأتمنى من اي حد يغير منظوره للشئ ويفكر من اكتر من زاوية ومش لازم تكون ماشي مع القطيع ?عشان تبقى ماشي صح✍️? الصح له أشكال وألوان كتير فمتقفلش زاويتك وافتح عيونك ?? وفي الاخر حابه اشكركم على التجربه دي وانها اول مره أشارك في حاجه زي دي ♥️
Viewing 0 reply threads