شاركي قصتك
تحديث قبل 3 سنوات، شهر 1 الأعضاء · 1
مشاركة 
كنت ابنه مدلله متدفيه بمحبه اهلي وجوايا استقرار وسلام نفسي كبييير وفجأه جات سنه قلبت كل الموازين حصلت مشاكل كتير واهلي خسروا كل حاجه تقريبا وفى نهايه الخساير دي كانت اكبر خساره وهى وفاه عمى فجأه وده كان صديقي ولانه قريب من عمرنا فكنا كأننا اخوات ..
ده كان وجع رهيييب وصدمه بشعه بالنسبالي تعبت وحرفيا كنت بنهار جسديا ونفسيا وبدأت رحله جديده شايله الالم فوق كتافي وبلف بيه بحاول اكمل .. من لف مع الدكاتره وعلاج ، لانى بدور اشغل وقتى واحاول الاقي مخرج من الوجع ده وفعلا صبيت كل طاقتى في كذا حاجه منهم في التدريس لانى بحب الاطفال جدا فكملت اشتغل واساعد الاطفال وقبل ما اديهم كنت باخد منهم ورجعت اضحك وسطهم
ولان الوقت في البيت كان غير محتمل بالنسبالي فبدأت اتعلم handmade ولقيت انى حابه التطريز وجبت خامات وبقيت اتعلم من فيديوهات علي النت واجرب وكانت اول مره امسك ابره وخيط وفعلا بقيت اعمل حاجات شكلها لطيف واصحابي شجعونى وعملت صفحه علي فيسبوك اسمها lucy boutique ولقيت تشجيع كبير وبدأت ارجع الاقي وقت هادي جوه بيتى والتطريز ساعدنى ارجع ارتاح في البيت تانى ويهدي دوشه افكارى
والاعراض الشديده اللي كانت عندي بدأت تهدا وبدأت اوقف العلاج واحس انى بتحسن ومن شغلي بدأت اقدر انى اعول نفسي واكون مبسوطه بلي بعمله.
كل غرزه بعملها بصب فيها شويه من الحزن والوجع اللي جوايا وكل ما يوحشنى اتخيله فرحان وفخور بلي بعمله واحاول انجح اكتر علشانه.
Viewing 0 reply threads