شاركي قصتك
تحديث قبل 3 سنوات، شهر 1 الأعضاء · 1
مشاركة 
انا دينا مجدي انا فعلا خرجت للنور انا مصابه بملخ الولادة الأغلب الناس لو قرا الكلمة مش حيفهم ده إيه الا العنده حالة بأختصار دي أصابه ناتجه عن عسرة الولادة بسبب الشد الزائد في الولاده الطبيعية و ساعات بسيطه و نادرة تحصل في القيصرية ، بيحصل أصابه أو قطع في الأعصاب ال ٥ الموجودة في الرقبه و بتسبب ان الايد تكون موجودة جنبي لاكن فاقده لوظائفها معرفش استخدمها في الحياه اليوميه الا بنسبه بسيطه و علاجها ان من اول اليوم الأول من الولادة لا خر يوم في عمري اكون بعمل رياضة و الناس مش عارفه العلاج ده لأنهم بيعملوا رياضه للأولاد أول ٦ سنين و بيقفوا و الايد بتقف بعد كده و يحصل مشاكل كتير أولهم الايد بتقصر و مبتترفعش خالص و شكلها بيبان لليركز و بتبقي ضعيفة جدا و بتفقد و ظائف كثيره البيوصلنا أننا نواجه مواقف مخرجه كثيره جدا
اتعرضت لمواقف كثيره تكسر اي بني ادم يوميا
وصلت لمرحلة إني كنت بخبي إيدي و أحطها في جيبي علشان محدش يسألني و يقولي إيدك مالها قصيره ليه مش بتترفع ليه غير نظرات الشفقه الحولتها بعد كده لنظرة قوة و تميز
واجهة الضعف العندي بعد معاناه ٣٠ سنه من الصمت و التنمر المقصود و الغير مقصود بطلت استخبي قولت بس لحد كده يلا واجهي و متهربيش من الناس
عملت صفحة توعية للإصابة أيام الكرونا ابريل ٢٠٢٠ نجحت في ده ووصلت إني طلعت في برنامج و عملت توعية للإصابة المحدش عارفها جمعت كل الزي و علمتهم التمارين و شاركتهم كل الأفكار التقول أن لسه في امل للتغير جسديا و نفسيا ساعدت اهالي الاولاد ال عندهم اطفال مصابين حديثي الولادة بلطريق اليمشوا فيه و بتوعية صح علشان يقدروا يتغلبوا علي خوفهم و صدمتهم
بقي الصحف بتكتب عني و عن التغير أني قدرت أحول نظره الشفقه الكانت بتوجعني و بتخليني قافله علي نفسي ل اكون شخص مميز قدر يتغلب علي ضعفه و طلع للنور
وواجهة كل الناس
و بنصح أي شخص حاسس بتميز او عنده اعاقه مضيقاه ققولو أنت المسؤول إنك تحول النظرة الكانت بتتعبك لنظرة بتعجبك
Viewing 0 reply threads