الرئيسية المنتديات شاركي قصتك اول حب..اول غلطة

  • شاركي قصتك

    Eman تحديث قبل سنة، 8 أشهر 1 الأعضاء · 1 مشاركة
    • Eman

      مشارك
      17 مارس، 2021 الساعة 4:31 ص

      هو انا لما قريت بعض القصص حسيت اني قصتي بسيطة او متكررة بس يمكن بنت تقراها و تاخد خبرة منها متتغروش بالبدايات و لا بالكلام الحلو و لا بالكلام في الدين لازم تعدوا بمواقف و تشوفوا معدن الانسان الحقيقي في غلطة فس حساتنا تمنها بيكون غالي اوي…زي قصة الأغنية انا اول ما قابلت قابلته عمري ما عرفت حد قبله و كنت فاكرة انه احسن واحد في الدنيا كنت باحسد نفسي عليه لحد ما اتقفل علينا باب واحد و بدأ يتغير كلام كتيير بيرن في ودني دايما زي (انت مبتفهميش و عكرك ما هتفهمي..انت هتساوي نفسك بيا؟..انت مش محترمة..انت قليلة الادب..هو انت هتربيني؟..انت مش بتاكلي و قاعدة مع بنتك عايزة ايه تاني..يعني هم في الشغل ده مستنينك انت اكيد مش هيرضوا بيكي…و حاجات اكتر من كدة بكتير) ده طبعا مع مد الايد و الضرب بالقلم و الشد من الشعر و لما بازعل و اعيط هو اللي كان بيزعل و ةنت باصالحه! اه والله ما انا كنت خايفة كنت خايفة منه و علي بنتي و خايفة علي نفسي و خايفة من الجيران يسمعوه بيعاملني وحش خايفة علي شكلي و خايفة يسيبني كنت باجي علي نفسي كتير بس مهما كنت باشوف مكنتش اتخيل ان لما خلاص تحصل مشكلة و ننفصل اني حتي الحق ده مش متاح و حتي في دي الذكر و ليس الراجل بيحاول بسها يكسرك و يكسر اهلك و من غير ما يعمل حساب لا لبنته و لا اي شيء انا معلّقة داخلة في سنة لا انا مطلقة و لا انا متزوجة قاعدة في بيت اهلي ببنتي اللي ما بيفكرش يسأل عليها و لا قادرين نوصله حتي و بيتهرب…انا باحاول و باعافر عشان مدخلش في دايرة اكتئاب لأني عارفة اني مش هاقدر اوصل معاه لحاجة في حقوقي انا و بنتي لأنه بيتحامي في شغله!انا باحاول ادرس يمكن اقدر اشتغل و اصرف علي بنتي انا لسه في اول الطريق و لسه مخدتش حريتي منه و مش عارفة اذا كنت هاقدر اخدها منه علي خير ولا ايه…هي لما الواحدة تطلب تعيش في حالها و تربي بنتها ده كتير؟ انا مش هاعمل شجاعة و مش باعتة القصة عشان اكسب و لو اني شايفة ان حتي الوقوف قدام ذكر ظالم شجاعة و الاعتراف بالخوف شجاعة بس انا فعلا خايفة خايفة علي بنتي و خايفة علي نفسي و حاسة اني زي الطفل اللي بيجرب يمشي علي رجليه …بس اللي اكيد باحسه اني لما كنت معاه اكني شايفة الدنيا و عليها غمامة و تراب اصفر و لما بعدت بقيت باشوف الشمس و السما و الناس بشكل تاني و بقيت باشوف نفسي بوضوح و بملامح قوية يمكن تكون حزينة بس قوية…انا اسفة انا قصتي مش ملهمة بس انا كان نفسي حد يسمعني و شكرا اوي❤

Viewing 0 reply threads
الرد: Eman
المعلومات الخاصة بك:

إلغاء
Start of Discussion
0 من 0 منشورات حزيران / يونيه 2018
الآن