الرئيسية المنتديات شاركي قصتك انا قادره على التحدى طالما عندى ثقه بنفسى ?

  • شاركي قصتك

    MarRwa تحديث قبل سنة، 8 أشهر 1 الأعضاء · 1 مشاركة
    • MarRwa

      مشارك
      11 أبريل، 2021 الساعة 10:29 م

      انا بنت على تلات ولاد وطبعا كل اللى حواليا دايما بيقولولى متدلعه وفرفوره ومش هتقدرى تفتحى بيت …..وكلام من هذا القبيل ? باختصار كانوا اللى حواليا دايما يقولولى مش هتنفعى فى حاجه ومش هتنجحى ?

      ويحبطونى دايماااا طبعا بسبب كلامهم كان بياثر على ثقتى فى نفسى. ?

      بس طبعا مع الوقت مخليتش الكلام ده يؤثر فيا كتيير طبعا اتعلمت واتخرجت ومعايا شهاده تعليم عالى. وبتقدير كمااااان ??

      وطبعا اتجوزت ومعايا اولاد دلوقتي وللاسف كان من نصيبى انى انتقل مع زوجى بعيد عن اهلى فى محافظة تانيه خااالص ?

      كل دى عوامل كانت مأثره فيا ?

      بس الحمد لله وثقت فى نفسى وقدرت كمان ادرس دبلومه عامه فى التربيه والحمد لله نجحت بتقدير جيد جدا بالرغم من وجود الاولاد ومطالب البيت والزوج وكمان يعتبر لوحدى فى مكان مختلف عن مكان نشأتى ……

      بس طبعا وثقت فى نفسى ومخليتش كلام اللى حواليا يأثروا فيا كتييير واثبتلهم نفسى وانا لو عايزه اعمل حاجه هعملها فعلا. انا قادره على التحدى واقدر اعتمد على نفسى ??

      والحمد لله بطلوا الكلام ده بعد ماشافوا كل النجاحات دى طبعا كله بفضل الله وثقتى فى نفسى انا فعلا بقيت واحده جديده اتغيرت ميه فى الميه ومحدش يصدق انى دى ?

      ودلوقتي بغرس فى اولادى الثقه فى النفس وان كلام الناس مش هيقدم ولاهياخر المهم النجاح والثقه بالنفس وقوه الاراده ♥️♥️

Viewing 0 reply threads
الرد: MarRwa
المعلومات الخاصة بك:

إلغاء
Start of Discussion
0 من 0 منشورات حزيران / يونيه 2018
الآن