الرئيسية المنتديات شاركي قصتك الكل كان واقف ضددى

  • شاركي قصتك

    Wafaa Bakry تحديث قبل سنة، 8 أشهر 1 الأعضاء · 1 مشاركة
    • Wafaa Bakry

      مشارك
      20 مارس، 2021 الساعة 5:42 ص

      قصتى بدايتها كانت من أول يوم اتولدت فيه ..لكن الشرارة بدأت لما اتجوزت و خلفت وبقي عندى طفل مش عارفة اهتم بيه كويس و لا أهتم بنفسي و اكتئاب ما بعد الولادة ووحدة و فراغ بعد ما سبت الشغل و مليت من كل شئ..الدنيا اتغيرت ب إعلان ظهر قدامه عن أماكن لتعليم الفاشون و الديزاين و الباترون و كلمت كذا مكان لكن فى ناس كتيره رفضت أنها تعلمنى حتى لو بمقابل مادى اكتر و ده بسبب أن عندى مشكله في ايدى الشمال ملخ ولاده(شلل ارب ) و نوع من أصعب الأنواع كمان. .لحد ما لقيت مكان وحددت معاد الانترفيو و جت الكارثه أن جوزى و أهلى والكل رفض وكانت حرب عليا بصوره بشعة جدا جدا الاهل خايفين لحسن أفشل وانصدم و الزوج عارف امكانياتى و أن حتى ابنى مش بعرف لا اشيله ولا اغيرله. .لكن صممت و روحت و الحمد لله اتقبلت وكل ما كنت بفكر امشي خطورة وحده الكل يحبط فيا و يقولى مستحيل 4 سنين وانا بحاول وبعافر مع التعب النفسي والجسدى و مسئولية بيت كاملة وبقيت اشتغل وشغلى اتطور و خلصت الدبلومة في نفس المكان إلى بدأت دراسه فيه ..و المدربين محدش فيهم كان مصدق التطور إلى وصلتله في المستوى. .الموضوع بالنسبالى مرهق جدا لعدم تحكمى في قماش أو ورق أو أدوات و لكنى كل يوم بحاول و اعافر علشان أكمل وهكمل بأذن الله لحد ما هوصل لحلمى. .الكل بيبصلى على انى معاقه و أحمد ربنا انى اتجوزت و انى كان لازم هفشل و اكيد فى حاجات كتيره مش بعرف اعملها ف ازاى هتشتغل؟ ؟؟ انا يمكن أكون اخترت مجال صعب عليا و شاق لكنى بحس بمتعه و راحه و انا بعافر مع حته قماش علشان تطلع فستان و ببقي في قمه سعادتى ب اطرءات الناس على شغلى و كل إلى كان بيحبطنى انبهر بالمستوى إلى وصلتله ..الحمد لله. .انى عرفت الطريق. .مش مهم اكسب المهم أن قصتى تبقي ملهمه لحد عنده ظروف شبهى و بعيد عن أى صعبنيات لأن انا نجحت مرتين اول مره لما دخلت الجامعه اصلا رغم انى كنت عامله عمليه صعبه جدا و نفسيتى تحت الصفر و انا فالجامعه عملت كمان وحده و نفسيتى كانت متدمره لكن دايما كنت بدور على النور وسط كل ده و من حقى انى أعيش و اختار الحياه إلى تناسبنى لانها حياتى انا وانا استحق انى انبسط و ابقي وحده جديده سعيده❤❤??

Viewing 0 reply threads
الرد: Wafaa Bakry
المعلومات الخاصة بك:

إلغاء
Start of Discussion
0 من 0 منشورات حزيران / يونيه 2018
الآن