• شاركي قصتك

    Sahar تحديث قبل سنة، 8 أشهر 1 الأعضاء · 1 مشاركة
    • Sahar

      مشارك
      23 مارس، 2021 الساعة 11:33 م

      تحت عنوان العلم نور خط كبير جدا بيفكرني بمسلسل هي والمستحيل بس هي كانت مش متعلمة خالص لاكن انا كان معايا شهادة متوسطة في الوقت ده دبلوم تجارة وكان كل المدرسين دايما كانوا بيستغربوا ليه قدمت دبلوم مع اني كان ممكن اكون ثانوي عام ..كان تفكيري محدود جدا وقتها وكنت مفكرة ثانوية عامة يعني دروس ومجهود جبار مادي وذهني ولحد ما اخواتي دخلوا الثانوية العامة ومنها علي الجامعة وفي خلال فترة تعليمهم كنت كتير جدا اشرح لهم بعض الدروس لما كانت يقف معاهم شئ وللحظة سألت نفسي ليه مكملش تعليمي واقدم وادخل الجامعة الثانوية اهو مش بعبع ولا تخوف زي مكنت مفكرة وفعلا دخلت ثانوي منازل وذاكرت واجتهدت جدااا ولما كنت اتخيل اني هدخل الجامعة يزيد حماسي للمذاكرة اكتر واكتر وبفضل الله جبت مجموع كويس وربنا يسرلي الاحوال سواء اشخاص او مدرسين ولا انكر موقف في غاية الجمال كنت محتاجة مراجعة نهائية وانا في ٣ ثانوي مكنتش باخد دروس لاكن كان فيه مراجعات نهائية علي كل المواد وكل المدرسين راجعوا معايا وبدون اي مقابل مادي وده لان ربنا وقف جمبي واعتبروه تشجيع منهم ليا وفعلا كانت حاجة كبيرة جداا جداا بالنسبالي وحققت هدفي ونجحت وجبت ٨٠% ودخلت الكلية ومش عاوزة اوصفلكم احساسي وقتها وانا داخلة الجامعة ومحققة حلمي وبقيت مدرسة رياض أطفال بعلمهم وفرحانة جداا باللي وصلتله انا اختصرت تعب وفرحة واحاسيس جميلة في الكام سطر هنا وفعلا من سلك طريق للعلم سهل الله له كل السبل للوصول اليه مفيش حاجة اسمها مستحيل في حاجة اسمها صبر وعزيمة وتحيق هدف إحلم واتعب وهتوصل للي بتحلم بيه هتلاقي نفسك شخص تاني تماما النجااح أوله حلم وأخره تحقيق وسعادة وإنسان بيتولد من جديد

Viewing 0 reply threads
الرد: Sahar
المعلومات الخاصة بك:

إلغاء
Start of Discussion
0 من 0 منشورات حزيران / يونيه 2018
الآن