• شاركي قصتك

    Lolo تحديث قبل سنة، 8 أشهر 1 الأعضاء · 1 مشاركة
    • Lolo

      مشارك
      17 مارس، 2021 الساعة 9:54 ص

      اتجوزت 20 سنة وعن حب ومع اول سنة بدأت كل حاجة تتغير مابقاش فى حنية ولا حب ولا طبطبة ولا احتواء فجأة بقيت لوحدى وانا مش لوحدى لحد ماربنا رزقنى ب ابنى حسيت ان ربنا عوضنى و ان الحياه هتبدا تحلو بس للاسف بقت اسوء فى كل حاجة شيلت مسؤلية اكبر منى بقيت الراجل والست فى البيت اتأذيت نفسيا وجسديا كتير دخلت فى اكتئاب و 4 محاولات انتحار الدنيا كانت سودة فى عينى حصلتلى مشاكل صحية انتهت ب لف على الدكاترة والنهاية علاج نفسى سنتين اتطفيت بمعنى الكلمة نسيت يعنى ايه فرحة و ضحكة نسيت كل حاجة حلوة لحد ماقررت اخد الخطوة وطبعا قدمت كل التنازلات اللى ممكن ست تتنازلها فى مقابل حريتها قررت انى لازم ارجع الحياه مرة تانية واقف على رجلى عرفت يعنى ايه تحدى و كان التحدى الاكبر انى اتحدى نفسى انى لازم اكمل واعدى وانسى عشان ابنى بقيت الام والاب فى نفس الوقت قدمتله كل اللى فى وسعى عشان ما يتأذيش نفسيا اتعلمت كتير اوى الحرية مش سهلة و طبعا مش بكون قوية طول الوقت بنهار عادى جدا بس اتعلمت اقف تانى وان ماينفعش عمرى يعدى فى الزعل لان ماينفعش اقع خلاص فى حياه لازم تتعاش لازم اشتغل واعمل كل حاجة بحبها اهتم بنفسى لان ماحدش هيسندنى غير نفسى .. و دايما بقول لنفسى و لاى حد بيمر ب اى ضغط انتى قوية انتى تقدرى انتى سند وظهر نفسك الضربة اللى مابتقتلش بتقوى ??

Viewing 0 reply threads
الرد: Lolo
المعلومات الخاصة بك:

إلغاء
Start of Discussion
0 من 0 منشورات حزيران / يونيه 2018
الآن