الرئيسية المنتديات شاركي قصتك اتجوزت .. بس متجوزتش

  • شاركي قصتك

    Donia Selim تحديث قبل سنة، 8 أشهر 1 الأعضاء · 1 مشاركة
    • Donia Selim

      مشارك
      19 مارس، 2021 الساعة 9:48 م

      قصتى ابتدت من 2018 لما اتخطبت لواحد فضل يحبنى 8 سنين وكنت برفضه بشكل متكرر اتقدم لبابا خمس مرات وخلال الوقت ده كنت اتخطبت مرتين ومحصلش نصيب استغل الفتره اللى انفصلت فيها عن خطيبي وابتدى يقربلى ويوريني قد ايه هو بيحبنى وانتظرنى وان مفيش حد يقدر ياخد مكانى ف قلبه عمل كل حاجه علشان اقبل كان ممكن يجي من سفر علشان يجيبلى ايس كريم مثلا .. وبس اتخطبنا سنه وكنت مقرره ان مش هيكون فى انفصال مهما حصل علشان يعنى ليا تجربتين وكلام الناس والجيران وكلام اهلى ان الناس هتقول المشكله فيا انا .. اتجوزنا 16 يوم ف الجحيم اتضربت من 3 يوم بعد ما اكتشفت انه gay فضلت اتضرب واتهان جسديا ونفسيا لحد ما اتعملى عاهه مستديمه وفقدت السمع ف ودنى الشمال ومش قادره حتى اقول خوفا على صدمة اهلى خصوصا ان بابا كان تعبان جداا الفتره دى وحصل اللى كنت خايفه منه لما عرفت اهلى .. وبابا راح منى بجلطه ف القلب من الزعل وف نفس الاسبوع كنت بتطلق بعد ما اتنازلت عن كل المحاضر وعن حقوقى علشان اتطلق بسرعه .. كنت فاكره انها نهاية العالم طلعت بعاهه و خسرانه نفسي وبابا ودراستى وفضلت سنه حرفيا تايهه

      .. بس انا انهارده احسن كتيرر اكتشفت ان عندى قوة تحمل كان لازم اعيش 20 سنه حياه طبيعيه علشان اكتشف انها فيها وبقى عندى ايمان ان كل حاجه كان لازم تحصل بنفس السيناريو اللى حصلت بيه مش اى حاجه تانيه .. رجعت لدراستى تانى ومش بس كده تفوقت دراسيا وتخطيت قدراتى اشتغلت رجعت ابص تانى لنفسي ف المرايه واحبها واعتبرت انه محصلش لدرجة ان قلبي مبقاش بيتوجع من السيره وبقيت فخوره انى محاربه وتخطيت كل ده رغم حجم الخساير الا إنى لسا عايشه وبحلم وعندى امل ..

Viewing 0 reply threads
الرد: Donia Selim
المعلومات الخاصة بك:

إلغاء
Start of Discussion
0 من 0 منشورات حزيران / يونيه 2018
الآن