• شاركي قصتك

    Waad89 تحديث قبل 3 سنوات 1 الأعضاء · 1 مشاركة
    • Waad89

      مشارك
      23 مارس، 2021 الساعة 2:57 م

      قصتى بدأت عندما كنت صغيرة كنت بحب الرياضة وماما كانت مشتركة لى فى النادى كنت بلعب كل الألعاب السباحة الجمباز الباليه الجودو وكنت كل لما أكبر أحب ألعاب أخرى ونظرا لانى كنت نشيطة وسريعة الحركة دخلت لعبة الهاند بول وكذلك العاب القوى ودخلت فريق النادى وكنت بلعب بطولات وبقيت الف المحافظات والعب في أندية مصر المختلفة وطبعا ماما معي وواقفة بجانبى وبتساندنى

      وعندما كنت بلعب ماتش وقعت على رجلى وطبعا ذهبت للدكتور وقال لي تمزق فى الاربطة وعمل علاج طبيعى وطبعا أخذت راحة من التمرين ولما تحسنت ذهبت إلى التمارين وبدأت العب بكامل قوتى وطاقتى وفي هذه الفترة دخلت المنتخب وكنت متميزة وشاطرة جدا لكن الفرحة ما استمرتش كتير وفى أثناء ماتش بنت وقعتنى واقعة جامدة فى ماتش بعد مادخلت المنتخب ومن ساعتها بلف على دكاترة كتير وكل واحد يقول حاجة وأخذ علاج وأنزل التمرين كل ده أثر على رجلى كتير ومش بعرف امشى خالص فذهبت إلى مستشفى عظام كبيرة وعملت رنين وطلع قطع فى الرباط الصليبي وقطع فى الغضروف الهلالي وتقرحات فى الركبة وترشح في الركبة وكذلك خشونة

      فأنا اتصدمت فاقترح الدكتور اعمل تأهيل علشان ما اعملش العملية

      فمكثت ست شهور بالتعب اعمل تأهيل وماما كل يوم معى تعبت جدا جدا جدا ولكن منفعش التأهيل وعملت العملية لأنه كان قطع كلى مش جزء ومش هاطول عليكم مدى العذاب والمعاناة وبعد فترة قصيرة للاسف عملت العملية للمرة الثانية

      وحاليا بقالى سنة قاعدة فى البيت ونفسيتى فى النازل. لانى مابحبش الجلوس لانى كنت نشيطة

      وكل ده وماما معى ربنا يخليها لى

      يارب اكسب معاكم ويكون حظى حلو علشان افرح ماما بعد فترة معاناة كبيرة

      يارب العالمين اكسب معاكم وتفرحونى وشكرا لكم ???????????????????❤❤❤❤❤❤❤❤

Viewing 0 reply threads
الرد: Waad89
المعلومات الخاصة بك:

إلغاء
Start of Discussion
0 من 0 منشورات حزيران / يونيه 2018
الآن