شاركي قصتك
تحديث قبل 3 سنوات، شهر 1 الأعضاء · 1
مشاركة 
هي مش قصتي .. هي قصة أمي عاوزة افرحها بأي شكل أم ل بنتين و ولد ومريضة كانسر 3 مرات.. أمي ست بمية راجل .. من صغرها من ساعة وفاة باباها ومامتها سافرت السعودية تبع الوزارة اشتغلت هناك علشان تجهز نفسها بعد ما اخواتها اتخلوا عنها وكأن كان كل ذنبها في الحياة ان مامتها وباباها اتوفوا قبل مايجوزوها زي اخواتها .. والحمدلله بعد ماجهزت نفسها واتجوزت زيها زي اي زوجه اصيله استحملت ظروف جوزها ونزلت اشتغلت وشالت من علي والدي ربنا يرحمه حمل مصاريفنا تماماً .. لغايه ما اكتشفت لاول مرة ان عندها سرطان في الثدي و تم استئصال الثدي بالكامل مع جلسات كيماوي واشعاع .. وعلي مدار ال 8 سنوات هي في رحلة اكتشاف لغدد سرطانيه واستئصالها وتاخد جرعات من الكيماوي لتحجيم المرض لغايه ما الدكتور بعد اخر عملية قالها جسمك مش هيستحمل كيماوي تاني هنستئصل الغدة السرطانيه بس .. الكيماوي اكل من صحتها وعضمها وبرغم كده هي سندنا وقوتنا
توقيت اخر عملية كان متزامن مع تعب والدي رحمه الله عليه وكان هو كمان لازم يدخل المستشفي يعمل عملية أجلت عمليتها علشان تبقي واقفه جنبه ومعاه برغم ان دكتورها قالها مش هينفع نتاخر في استئصال الغدة علشان متنتشرش بس عملت عمليتها بعد ما بابا خرج من المستشفي بالسلامه .. حتي بعد ما بابا توفي محدش وقف جنبها من اعمامي او اخواتها بس هي ربنا قدرها كملتلي جهازي و وقفت جنب اخويا علشان تجوزوا وبتجهز أختي التانيه وكل ده ببركة ربنا ورضاه عليها
والله لو مليون سنة قدام ما هوفي حقها في اللي عملته معانا وفي تربيتها لينا .. ربنا يباركلي فيكي يا أمي ويقدرنا نفرحك ولو بحاجه بسيطه ❤️
Viewing 0 reply threads