• شاركي قصتك

    Maha تحديث قبل سنة، 8 أشهر 1 الأعضاء · 1 مشاركة
    • Maha

      مشارك
      20 مارس، 2021 الساعة 10:31 ص

      قصتي بدأت مع أسمي مها الاسم ده من ساعت ما جه الدنيا وهو مكتوب عليه ميتندهش بطريقة عاديه يعني لازم مها ياعيني او مها ياحرام او مها شدي حيلك كده يعني بدأت الحكايه سنة ٩٩ مع اول زلزال جه مصر فقدت النطق لفترة ولما رجع رجع بتهته كنت ساعتها لسه طفله صغيره مليانه طموح واحلام كل ده أنهار قدام عيني خلاص كده مش هعرف اعيش طبيعيه كمية تنمر في المدرسه رهيبه كنت أسهل لية لما المستر يقومني اجاوب اقول معرفش واتضرب احسن ما اتهته ويضحك علية ساعات كنت بعمل اني خرسه واكتب طلبي في ورقه لو بشتري حاجه من محل او حاجه علشان مبتكلمش غير كلام امي مع خالاتي ياعيني عليها مش هتتجوز خايفه أموت واسيبها وكلام كتير ومواقف كتير زي دي كبرت وانا معنديش اي طموخ خلاص حياتي منهاره قدام عيني وطبعا كنت زي اي حد في سن المراهقه اتمني ولد يقولي كلمه حلوة دايما كنت بشوف نظرة العطف في عين اي حد يكلمني وبعد سنين وايام مرت بدموع بليل وعدم كلام بالنهار وبعد الثانوية العامه قررت ادخل كلية احاول فيها اساعد نفسي واساعد الاطفال اللي زيي انهم ميضيعوش احلي سنين حياتهم مستخبين وخايفين من الناس ودخلت كلية خدمه اجتماعيه اكتر كلية فيها حركه واحتكاك بالناس وطبعا الكل كان مستغرب دخلت فيها واتخرجت وسبحان الله اشتغلت بعد تخرحي بشهرين ودي حاجه مبتحصلش وبقالي ١٣ سنه في مجال الخدمه الاجتماعيه بدي الثقه لاي طفل عنده اي اعاقه او اي حاجه ممكن تخليه يستخبي من الناس واتجوزت كمان علي فكره واتخطبت قبل اختي الكبيرة وكأن ربنا بيقولي افرحي وعيشي اة اتجوزت اول واحد اتقدملي ملحقتش احب واعيش زي البنات لاني كنت خايفه يضيع من ايدي وكلام ماما يبقي حقيقي ومتجوزش بس الحمدلله ربنا عوضني واداني زوج واولاد وبيت وشغل والحمدلله الحمدلله متهيالي ناجحه فيهم يمكن دايما شايله هم التهته ويمكن ضحيت بحلم عمري اني ابقي مقدمة برامج بس بعوض ده في اني اكتب قصص لنفسي او اكتب مقدمة الاذاعه في المدرسه للاطفال او اني اعمل برامج مع اولادي وبعمل فيديوهات واتفرج عليها انا وخلاص وممكن اصحابي رغم كل الكسرة اللي عيشتها ولكن حاليا لية كلمه ولية قيمه وبيستعينوا بية كمان في حل مشاكل العيله مش عارفه ازاي وببقي مرعوبه بس بمرن نفسي قبل اي مقابله مع اي حد كنت مرعوبه اولادي يطلعوا زيي او يتكسفوا مني ولحد دلوقتي ابني الكبير مس عارفه اني عندي مشكله بياخد باله ساعات بس عمره ما سألني الحمدلله اشتغلت علي نفسي ودربت نفسي ازاي اداري الحكايه دي طبعا بتبان في اللي بيعمل مش واخد باله وفي اللي بيسألني وفي اللي بيتريق وفي كل الحالات بقيت بعرف متضايقش ومتصالحه جدا مع الابتلاء وراضيه بيه الحمدلله وحاليا بفكر احضر دبلومه كمان نفسي كل الناس تعرف تتعامل مع ولادها ازاي لو ربنا اداهم ابتلاء في حاجه اهلي من كتر خوفهم علية ان حد يتريق علية حطوني في علبه وقفلوا علية مش هعمل كده مع اولادي ومش عاوزه حد يعمل كده مع اولاده

      قصه مليانه مواقف كتير عاوزه ايام وليالي تتحكي فيها علشان اقدر اوصف كل ليله نمت فيها خايفه مكسوفه حزينه مقهورة من نواقف كتير من اهلي اصحابي مدرسيني ولكن مش هحكي قصص هحل مواقف واساعد اطفال زيي ميطلعوش بعقد جواهم

      شكرا خلتوني اتكلم عن حاجات جوايا كتير بكتبها لنفسي بس الظاهر كان نفسي حد يسمعني وميردش علية خلتوني اكتشف ان جوايا لسه كتير بجد شكرا كفايه اني حكيت ♥️

Viewing 0 reply threads
الرد: Maha
المعلومات الخاصة بك:

إلغاء
Start of Discussion
0 من 0 منشورات حزيران / يونيه 2018
الآن