فتيات الساحل ينجحن في جمع مبلغ 15 ألف جنيه في يومًا واحد لمساعدة حراس أحد شواطئ
خلال الساعات الماضية تداول رواد السوشيال ميديا منشور إيجابي ل 3 فتيات لم يبلغن سن العاشرة نجحن في جمع مبلغ مادي قدره 15 ألف جنيه لمساعدة حراس أحد شواطئ الساحل الشمالي، بسبب ظروف معيشتهم الصعبة بسبب مرتبتهم المجزية بالإضافة إلى تعرض حياتهم للخطر يوميًا بسبب طبيعة عملهم، مما لاقى موقفهم إحسانًا كبير من الجميع والإشادة بتربيتهن الإيجابية السليمة
نشرت سيدة تدعى هناء عبد المجيد “بوست” تشيد من خلاله بنموذج ال 3 فتيات وفكرتهم الإنسانية التي يجب على جميع الآباء والأمهات السعي وراء زرع هذه القيم في أطفالهم طوال فترة تربيتهم، قالت: “انتشرت قوي فكرة تشجيع الأهالي لأولادهم علي الشغل في الشواطئ الخاصة وطبعا مع اختلاف الأفكار للشغل يعني مثلا كان فيه بنتين عاملين عصير لمون فريش و cookies و بنات تانية عاملين accessories و حد تاني كان بيجي يعرض انه يروح يشتري لك اللي انت عايزه من برجر آيس كريم يعني بدل ما تقف في الطابور هو يروح يشتري لك و كلها افكار رائعه واكيد الاطفال بيتعلموا منها كتير”.
تابعت: “بس أكتر فكرة أعجبت بيها جدا هي فكرة البنات التلاتة “أمينه و فريده و فريده”، كانوا بيلموا تبرعات ل life guards اللي بيشتغلوا بالشاطئ و كانوا مبهرين في شرحهم ل معاناة ال life guard وانه بيشتغل كتير و مرتبه قليل وأنه بيواجه أخطار كتير وبيدرب كتير عشان شغله و ده طبعا عرفته لاني قعدت اسألهم اسئله كتير لاني حبيت اعرف لو هما مجرد حافظين مش فاهمين و لا هما فعلا عملوا بحث مظبوط” .
استكملت: “التلات بنات أعمارهم لا تزيد عن 10 سنين بس ايه الثقه في النفس و التحدث بطلاقه و بالعربي كمان مش بالانجليزي و عمالين يشرحوا لي عن الموضوع و المبهر في القصه ديه انه هما عملوا كده السنه الي فاتت و لموا في يوم واحد فقط ” 15 ألف جنيه” و كانوا بيختاروا يوم الجمعه عشان مليان ناس واتأكدوا بنفسهم انه الفلوس وصلت ل life guards، العلبة الي في أيد أمينة فيها الفلوس مش برجر و كانت محافظه عليها و ما حطيتهاش على جنب و احنا بنتصور”.
واختتمت: “تحياتي الشديدة لأهالي البنات ديه لانهم زرعوا عند ولادهم ” حب مساعدة الغير والإحساس بمعاناته ” وعدم انعزالهم عن المجتمع في العيش ب bubble بتاعتهم و ديه حاجة عظيمة وطبعا أنهم كانوا بيتكلموا بالعربي و فكره انهم لموا 15 ألف جنيه في يوم واحد مبهرة بجد وبتاكد انه فيه ناس كتيره مش منعزلة عن مجتمعها وبتحب تساعد واتبرعت بفلوس كتير وبالتأكيد بتكسر كتير من ال stereotypes السلبية المتاخده عن أهل الساحل”.
