الرئيسية المنتديات شاركي قصتك …مطبخ في…vee’s kitchen رداً على: …مطبخ في…vee’s kitchen

  • neveen

    مشارك
    21 مارس، 2021 الساعة 2:52 م

    تاني يوم طلع مديري الاوتوبيس و احنا مروحين

    كنت متخيلة انه مش حيهتم انه يكمل الحكاية

    و محرجة شوية بس من جوايا نفسي اكمل حقيقي بس اكيد مش حمسكه من ايده و اقعده جنبي يسمع قصتي يعني ييييه ايه ده خلاص اطلع النوتبوك و اكتب رسالة النهاردة اللي كانت بالانجليزي بس بتقول

    احكي حكاية عديت بيها بس مش بتأثر زمان افكارك ممكن تكون ملهمة لغيرك جدا …

    جه مديري قعد جنبي و بيضحك و بصلي كده و قال: vee بصي انا حابب اسمع اكيد بس لنتي مش خايفة مني

    قلت له لا مش خايفة لاني حابه احكي و اكتب كمان زي ما قلت لك و عندي الجرأة و الشجاعة و الشغف اعمل كده و اشارك التجربة

    قالي انتي مش كنتي بتحكي حدوته لنادية و سليم صح

    تمام

    اعتبريني سليم و احكيلي قلت له تمام و انت على فكرة نفس برج سليم (برج العذراء)

    طيب يا سيدي نقول ايه النهارة بص صلي عالنبي

    انا اتولدت في مكانين في بيت جدتي مامة مامتي و نزلت في المستشفي

    يوم ولادتي 10-12-1986 انا بتولدمن 9-12 من الساعة 6 اليوم ده حصلت نوة اتكررت بعدها ب 23 سنة

    المياة بتاعت ماما اتصفت كلها و انا اتزنقت جوه و كنت حموت فخالو و بابا نزلوا ماما على كرسي و راحوا المستشفي اللي اصلا مش حتاخد اكتر من 3 دقايق في الطريق بس من الشتا و سوء الجو اخدت 20 ساعة بالعربية

    المهم وصلنا و نزلت شفط

    طبعا نازلة حرفيا لوني ازرق من الزنقة بس عيشت و شرفت

    بابا بصلي في الحضانة و قال بقا يا رب البنت اللي بتمناها شكلها يبقا عامل كده

    يلا الحمد لله…و مش واخد باله اني اصلا نازلة بعد معاناة بعد ما ماما قررت تولد طبيعي من تأثير من كلام الاهل

    و عمتي قالت تجرب المهم اني وصلت …على الاربعين شكلي اختلف تماما وضح شكلي كلبوظة و جميلة و من اجمل بنات العيلة و ابتدا المشوار

    في عيد ميلادي ال24 جالي ايميل عن برجي بما اني بحب و متابعة الابراج ان في حدث حصل يوم

    عيد ميلادي حيتكرر تاني النهاردة و بعدها حتقابلي حد حيغير حياتك تماما 180 درجة

    و بيتكلم عن تغيير في حياتي بس المعني انه تغيير كويس و كبير و مقصودة بيه

    حصلت الثورة اخويا قبلها سافر امريكا و قرر يستقر هناك الانسان اللي انا كنت بحبه من و انا في ابتدائي مثلا قرر هو كمان يسافر و يسيب كل حاجة هنا حاولت اقنعه يقعد و نكون سوا بس هوا كن عايز يمشي يعني انا مليش قيمة خالص كده كنت بقول لنفسي كده بسببه …من شوية حاجات كده و احداث برضه بدأت اتضايق من البلد و احس ان الدنيا بتتوحش ف انا عايزة امشي ده كان شعار المرحلة وقتها عندي مش عايز اتجوز ولا اشتغل هنا و لا اتعامل مع حد خالص و فعلا قطعت علاقتي بالناس كلها و قطعت شريحة الموبايل و انعزلت

    ماما لما بتنزل بتكون عايزة تكلمني حتوصلي ازاي مش حنقعد نكلم بابا او سلمى بقا ياااااااا فينا يا حبيبتي

    اه انتي عايزة تسافري بس لسة قصادنا حبة حجيبلك خط عاشان اعرف اوصلك بس

    انا:لأ

    ماما:طيب ايه رأيك في محل ورانا لسة فاتح جديد بتوع شاورما تعالي ننزل اجيبلك الخط و بجيب شاورما

    طبعا وافقت ماما عارفة اني نقطة ضعفي الشاورما بعشقهااااااا و كفيلة تعملي دماغ حرفيا نزلنا و جبت الساندويتش و في المحل ده قابلت my ex اللي اول ماشافني وقف تنح و وهو بيعملي البطاطس ايده كانت بتترعش حسيت اني اتكسفت له بعد كده بس قلت برضه اكيد خاطب لانه واقف جنب بنوتة شكلهم كده فاتحيين المحل ده و هو مشروعهم ربنا معاهم علشان اقفل على نفسي اي تفكير

    و ماما قالت لي شايفة الولد ده عمل ازاي لما دخلتي قلت لها اه بس شكل البنت دي خطيبتة ربنا معاهم

    تاني يوم بالليل جعت قلت اطلب اكل ووقت الثورة كانت الدنيا ليها مواعيد قفل مش 24 ساعة فالمحلات الكبيرة بتقفل نوعا ما بدري ببص مش شباك المطبخ لاقيتهم فاتحين قلت خييييير حاكللل كلمتهم رد عليا و فكرته بنفسي انا لسة مجربة من عندكم شاورما و ختي اديتني يطاطس قال لي اااااه طبعا

    طيب يا سيدي شكرا عايزة اطلب بقا

    تأمري و راح جايبلي الاكل

    و بيهزر مش عايزة حاجة اجيبهاللك كمان

    و تاني يوم كلمني قال ايه يتطمن ان الاوردر عجبني هاااا

    ماما قالتلي ايه ده بقااااا

    المهم انا اصلا مكنتش عايزة ارتبط بحد فحاولت ابعد جدااا و في الاخر بعد شد و جذب و جري و هري اتجوزنا

    اهلي طبعا ماكنوش موافقين ظروفه و انا في الوقت ده اتقدملي ناس كتير احسن ماديا و اهلي شايفيين انهم انسب لي اشمعني ده

    هو كان بيشتغل في محل الاكل ده مع صاحبه بيقول و كان فدم في شركات كموظف خدمة عملاء بس مكنش بيتوفق

    فحسيت اني بتعاطف معاه و بدأت معاه الرحلة لحد ما سافر و اشتغل و نجح كنت مستنية و متوقعة اننا حننجح و نشتغل سوا و زي ما وقفت معاه و دعمته حيدعمني انش اشتغل و احقق نفسي بس اللي حصل عكس كده خاااااااااالص ….

    المهم يا سيدي …الخص لك كده شوية حاجات انا الكبيرة بين اخواتي

    -و من البنات الكبار في عائلة والدي و اول حفيدة لعائلة امي

    -بابا تاجر و عائلتنا كبيرة ليا 7 عمام و خالين و عائلة كبيرة من الناحيتيين

    كان عندنا مزارع تربية فراخ في البرج هنا و مصنع للاعلاف و مكتب ادوية للفراخ برضه

    ف كاقراني متوقع ليا ان حياتي تمشي بشكل معين كده دراستي و جوازي و كله مرسوم بشكل معين

    انا معرفش ليه مشيت عكس كده تماما

    خلينا نجري حبة حلوين بقا

    انا طول عمري بحب الاكل بس عمري ما عرفت اطبخ الا اللي انا بحبه بس و مش كله كمان

    في خلال فترة زواجي اتعلمت الطبخ تعليم ذاتي من علي اليوتيوب و بنفسي لانه حلو برضه زي اهلي يعني

    و لاني حبيت هذا الشخص جدا فكنت حابة اقدمله احى حاجة حرفيا

    اصبح الطبخ شغفي ارتبتط بيه عاطفيا ههههه من واحدة بتحتار في كباية الرز طو بتتعجب من شكل الرز المفلفل لشيف بتعمل كل الاكلات و بحرفية عالية و كمان بجودة الشارع

    و من هنا جت فكرة vee’s kitchen

    انا لما بعرف نفسي دلوقتي بقدم نفسي ك شيف vee

    لما سيبت اول شغل ليا كنت اتعرفت على شوية صدقاء كده منهم لبني

    اللي كانت نفسها نتشارك و نعمل vee’s kitchen سوا و عملتلي الصفحة

    انا مكنتش عارفة حبدأ ازاي و حعمل ايه و هل يا ترى حفتكر كله وصفاتي و اشيائي و حاجاتي برضه ولا ايه

    قعدت فترة مش قادرة ادخل المطبخ بس بقيت لما بحب ناس بدخل و احاول اعملهم اكل علشان بحبهم

    ماهو هو ده اللي دخلني المطبخ اصلا و من هنا جت مقولة with love by me…by vee

    بس برضه لسة قصة الفلوس مشيت حبه في الصفحة و كنت خايفة

    حاولت أاجر مطبخ بس في اي work space

    انا و لبني في الاول نزلنا ندور على مكان صغنن في شارع بورسعيد مثلا اهو بندور

    و قلت لها مثلا ايه رايك نعمل الاكل كاه في فخار لاني عايزة اعمل اكل بيتي زي فكرة سمية (فسحة سمية)

    هي في القاهرة و vee هنا

    علي فكرة سمية توأمي في اليوم 10-12 برضه انا رحت ليها بعد كتييير و اتعرفت عليها و ححكيلك عليها بس الاول نكمل

    هنا بقا اتعرفت علي حسن زهر الورد

    مهندس و صاحب جاليري دخلنا الجاليري نسأل علي الفخار انا عارفة المكان بس كنت بشوف البنت مش حسن

    اليوم ده حسن كان موجود سألت البنت علي الفخار و هو قاعد بيبص علينا سألني عايزاه ليه

    حكيت له اني شيف و بدور على فخار علشان اعمل الاكل بتاعي فيه و بره الفخار غالي و بدور على مكان اجيبه منه بسعر اقل لاني عايزة كمية و كده و بدأ يتكلم معايا عن شغفه هو كمان و حبه للأكل

    و ده تقريبا اليوم الوحيد اللي حسن اتكلم فيه عن نفسه ياعيني

    حسن زهر الورد …من اكتر الناس اللي ساندتني و حبيتني بجد …

    المهم …حسن شاطر جدا و محترم جدا جدا و شخصية جميلة و ثرية

    عرفني عالم حلو جدا …و اسرار و انوار و حقيقي فرق معايا ححكيلك عليه اكتر كمان و انا و هو لينا مواقف كوميدية جدااااا و مقولات بقاااا ايه يعني مثلا اذا ذكر حسن ذكر البلوك

    و خليك في حاللك يا حسن ههههههه…

    و انا بتخيل قصتي و انا بكتبها كنت بكلمه كان نفسي اعملها مسلسل ف قال لي تعالي نتخيل الابطال كده

    قلت له دورك شايفة فيه احمد مكي و دور vee مي عز الدين

    احمد مكي له مكان عندي مختلف بس حيفهمك يا حسن مكي جوزاء و انت جوزاء و اكيد حيشده الورد اللي في اسمك ههههههه

    و ده حلمي اني اقابل مكي و اعمل قصتي جنب مطعمي اللي عايزة اعمل فيه مكان للناس اللي مش قادرة

    المهم اني بعد رحلات كتيرة و محاولات عديدة و تحويش و صرف و محاولات لم و لن ايأس منها عارفة اني حوصل لحلمي و اكتر قريبا و و بشتغل على احلامي و على نفسي دايما دايما دايما …

    خصوصا بعد ما اتصالحنا انا و هي (نفسي)

    اتصالحتي انتي و مين؟؟

    و نفسي

    ازاي ؟مين؟فين ؟امته ؟يعني ايه؟؟؟؟!!!

    لا ده اكمله ليك بكره بقا

    و نقول حمد لله على السلامة مرحبا بكم في رشدي

    bye ya vee

    رسالة النهاردة :

    يا رب و بعمق الكلمة و صدقها … في كل تفاصيلي احتاجك

    with love by me…by vee